Кітап оқу мәдениетін қалыптастыру

Алматыда тағы бір сауда орталығында кітап беру пункті ашылды. Жаңа нысанның басты мақсаты қала тұрғындарының кітапқа қолжетімділігін арттырып, оқу мәдениетін қалыптастыру. Жоба Мемлекет басшысы Қасым-Жомарт Тоқаевтың «Кітап оқитын ұлт» бастамасы аясында қолға алынған.

¤

Игі бастаманың ашылу рәсіміне белгілі жазушылар, қоғам қайраткерлері мен мәдениет саласының өкілдері қатысты. Ұйымдастырушылардың айтуынша, қоғамдық кеңістікте орналасқан кітап беру пункті тұрғындардың бос уақытын тиімді өткізуіне мүмкіндік береді. Сондай-ақ бұл жоба халықтың рухани және зияткерлік әлеуетін арттыруға бағытталған.