Бүгін тікелей эфирде «Құрылтай-2026» теледебаты өтеді

23 тамызда қазақстандықтар Құрылтай депутаттарын сайлайды. Қоғам жаңа Құрылтайдан не күтеді? Сайлаушының жауапкершілігі қандай? Саяси науқанның маңызын саясаттанушымен талдаймыз.

Бүгін сағат 20:00-де Jibek Joly арнасында «Құрылтай–2026» теледебаты өтеді. Алғаш рет жеті саяси партиядан екі өкілден қатысып, командалық форматта пікір таластырады. Тақырып – «Заң мен тәртіп – Әділетті Қазақстанның негізі».

Ал біз эфир барысында сарапшылармен «Заң мен тәртіп» қағидатының негізгі бағыттарын талдаймыз. Қоғамдық тәртіп, әлеуметтік желідегі жауапкершілік, интернет-алаяқтық пен цифрлық қауіпсіздік мәселесіне тоқталамыз.